Shairi: ASali Ya Afrika

Hili lilikuwa ni mojawapo ya Mashairi yaliyotakiwa kusomwa na Kughaniwa siku ya Kongamano,ila kutokana na muda halikupata nafasi ya kusomwa,lakini kwa juhudi za makusudi,tumekuletea hapa ulisome na kupata maudhui yake.....KARIBU SANA.

 ASALI  YA AFRIKA

                                                Lugha moja Afrika,                   si mpya bali asili,

                                                Ladha yake imefika,                  mdomoni sio kali,

                                                Kwa madaha kutamka,             uichezeapo akili,

                                                Ni asali Afrika,                           lugha tamu ya asili.

                                                Tumepita hatukwona,              Pwani hata milimani,

                                                Dunia tumeiona,                        hata ndani vilindini,

                                                Watu wanatazamana,               ikifika sikioni,

                                                Ni asali Afrika,                          utambapo kwa maneno.

                                                Asili yake Afrika,                      Pwani  yetu Mashariki,

                                                Tanzania yatukuka ,                 hata Kenya waafiki,

                                                Hata Ruanda imeruka ,            hakuna aliye dhiki,

                                                Ni asali Afrika,                          Burundi na hata Kongo.

                                                Umoja wa Afrika ,                    nao pia wakubali,

                                                Waonjapo wamefika,               utamu bila kabala,

Ulimi unahusika,                      ushahidi wakubali,

Ni asali Afrika,                          hasa huku Tanzania.

Wapo nguli Tanzania,                hakika tunawaenzi,

Shabani kwa yake nia,              Kiswahili alienzi,

Massamba alopania,                 kupandisha kurugenzi

Ni asali afrika,                            hao ndio kurugenzi.

Wapo wengine wengi,               kuwataja nachelea,

Wameandika kwa wingi,          nao hawajachelae,

Lugha yetu ya msingi,              kimapenzi inalea,

Ni asali Afrika ,                          kuiacha sitapenda.

Hakuna lugha  moja,                ya mawanda Afrika,

Mipaka si nchi moja,                robo yake Afrika,

Ndimi zao zimeonja,                 utamu uliotukuka,

Ni asali Afrika,                          hakuna lugha nyingine,.

Tanzania heko yako,                 kuienzi lugha yetu,

Hakika si peke yako,                na wengine si majitu,

Wanasifu mbele yako,              hawaachi huku kwetu,

Ni asali afrika,                            pembe yote Afrika.

Vyovyote Mashariki ,                lipo pale kama somo,

Teku chetu ndio hiki,                 tuna soma hili somo,

Na wengine waafiki ,                  kusaka utamu humo,

Ni asali Afrika ,                           hatuachi kutafuta.

Wahadhiri mahsusi,                  pomoni wamejuzika,

Taaluma yao  mahsusi ,            Kiswahili wanapika,

Wanazuoni wasusi,                    kwa lugha ilosukika

Ni asali Afrika ,                          njooni wote itayari.

Mbogela kamtazame.               Utadhani chomsiki,

Msamila usiseme,                     Kiswahili ni mziki,

Sekile hajawa kame,                 Fasihi kwake Batiki

Ni asali Afrika ,                         anatulisha Kamage.

Sijui tuseme nini,                     yenyewe mahanjumati

Ukila kaa pembeni,                 usije pigwa Manati

Gele zao zi pembeni,               kwa wengine hainati

Ni asali Afrika,                         njooni wote muilambe,

Imetayarishwa na 1.Chande Raphael TEKU/BEL/10917.

                              2. Nkwama Rutengamaso/TEKU/BEL/101044 .